المرحلة الثانية: تعاليم المسيح
📖 الدراسة الكتابية:
الموضوعات:
الموعظة على الجبل: (متّى 5-7، لوقا 6: 17-49)
✅ التطويبات 🕊️ (متّى 5: 1-12 | لوقا 6: 20-23)
✅ الملح والنور 💡 (متّى 5: 13-16 | مرقس 9: 50 | لوقا 14: 34-35)
✅ المحبة للأعداء ❤️ (متّى 5: 43-48 | لوقا 6: 27-36)
✅ الصلاة والصدقة والصوم 🙏 (متّى 6: 1-18 | لوقا 11: 1-4)
✅ لا تهتموا بالغد 🌿 (متّى 6: 25-34 | لوقا 12: 22-31)
✅ لا تدينوا الآخرين ⚖️ (متّى 7: 1-5 | لوقا 6: 37-42)
✅ البيت المبني على الصخر 🏠 (متّى 7: 24-27 | لوقا 6: 46-49)
7 أمثال من إنجيل لوقا:
1️⃣ مثل السامري الصالح 🏥 (لوقا 10: 25-37)
2️⃣ مثل الغني ولعازر 💰🔥 (لوقا 16: 19-31)
3️⃣ مثل العشار والفريسي 🙏 (لوقا 18: 9-14)
4️⃣ مثل الدرهم المفقود 💎 (لوقا 15: 8-10)
5️⃣ مثل الابن الضال 🏡 (لوقا 15: 11-32)
6️⃣ مثل العشاء العظيم 🍽️ (لوقا 14: 15-24)
7️⃣ مثل وكيل الظلم 📜 (لوقا 16: 1-13)
🎥 مشاهدة الحلقات:
حلقات يوسف ناثان: 61 - 62 - 63
الدروس المستفادة والأهداف من وراء المرحلة الثانية:
تدريب الصلاة في الخفاء: تخصيص وقت يومي للصلاة الشخصية دون الحاجة لمشاركة كل شيء عبر وسائل التواصل الاجتماعي وكتابة الصلاة والأفكار التي كلمني بها الرب.
ازاي الصلاة ممكن تتحول لعادة في حياتي وعلاقة شخصية حقيقية مع الرب؟
ايه أكتر التحديات اللي بتقابلني في الصلاة وممكن تعطلني؟
تدريب الصوم: الصوم مش بس الامتناع عن الأكل، ده جزء منه لكن فيه صوم تاني عن كل حاجة بتعطلني عن الرب (صوم عن الأكل – السوشيال ميديا – الموبايل عامة – السهر – الخ...)
الصعوبات اللي بتخلينا مش قادرين نصوم؟
لما بنقرر نصوم، ايه الحاجات اللي بنعملها وقت الصوم؟
ايه الاهداف اللي ممكن نحطها واحنا صايمين؟
الغضب وضبط النفس: بنتعلم نغضب لكن لا نخطئ وممكن الكتابة تساعدنا نفرغ الطاقة السلبية اللي جوانا بدل ما نفرغها بشكل مش كويس.
ازاي نتعامل مع مشاعر الغضب بطريقة مسيحية؟
ايه الحاجات اللي بتخليني غضبان؟ وايه اسبابها؟
الغفران: درس صعب جدا علينا كلنا، بنتعلم من الرب يسوع الغفران للذين أساؤوا الينا سواء بالكلام أو بالتصرفات وسواء آذي روحي أو نفسي أو جسدي وده صعب لكن الرب يسوع علمنا الغفران لما غفر لصالبيه علي الصليب.
اكتب قائمة بأشخاص أساءوا إليك وصلي لأجلهم ولأجل نعمة الغفران لهم؟
أكتب أكتر موقف اتاذيت منه.
لماذا نجد صعوبة كبير في الغفران؟
كيف يساعدنا الله في التحرر من المرارة؟
العطاء واستخدام المال بحكمة: العطاء مش مرتبط بأنه معايا ولا مش معايا لكن مرتبط بمحبتي لله وللآخرين.
لما بقدم عطاء لأحد بعمله بأفضل طريقة وبيكون في الخفاء بيني وبين الله.
ايه الاسباب اللي ممكن تمنعنا من العطاء؟
ايه هي أكتر الأشياء اللي بنصرف فيها فلوسنا؟
لما بنقرر نعطي ايه الدوافع اللي بتخلينا نعمل كده؟
تعليقات
إرسال تعليق