رحلة في أسفار موسى الخمسة

اهلا بيك عزيزي الدارس في رحلة جديدة في الكتاب المقدس على تطبيق انا وكتابي ,, والمره دي رحلتنا هتكون في العهد القديم  و بالتحديد في أسفار موسى الخمسة  واللي هتكون خلال ٢٠٢٤ .

في الجزء ده من الكتاب المقدس 

• هندرس مع بعض ٣ عصور مهمين جدا وهما : البدايات - الآباء  - الخروج .

• هندرس وهنقرب اكتر من أحداث مهمة في الكتاب (الخلق - السقوط - الطوفان - العبور و الفصح - ……الخ)

• هنعيش مع شخصيات محورية في تاريخ الكتاب المقدس (آدم - نوح - إبراهيم - اسحق - يعقوب - يوسف - موسى …….)

•  هنشوف مع بعض البدايات و ازاي ربنا اتعامل مع العالم و مع عائلة ابراهيم ……

• هنحاول نفهم مع بعض ايه هى الذبائح ؟ الأعياد ؟ الوصايا ؟ التطهير ؟ ونهم اكتر عن حضور الله و خيمة الاجتماع ….

 كل ده واكتر  هنكتشفه مع بعض في رحلتنا ….

هدفنـــــــــا هو علاقة حية مع الله من خلال فهم أعمق للكلمة وتطبيقها في حياتنا العملية .

لاَ يَبْرَحْ سِفْرُ هذِهِ الشَّرِيعَةِ مِنْ فَمِكَ، بَلْ تَلْهَجُ فِيهِ نَهَارًا وَلَيْلاً، لِكَيْ تَتَحَفَّظَ لِلْعَمَلِ حَسَبَ كُلِّ مَا هُوَ مَكْتُوبٌ فِيهِ. لأَنَّكَ حِينَئِذٍ تُصْلِحُ طَرِيقَكَ وَحِينَئِذٍ تُفْلِحُ.(يشوع ١ : ٨)

محتوى المسابقة

مقدمات كل سفر من بايبل بروجكت هنذاكرها حسب جدول المسابقة

التكوين : البدايات 

• الله والعالم (تك ١ - ١١).

• الله و عائلة ابراهيم : 

• إبراهيم ( تك١٢ - ٢٥ )

• اسحق ويعقوب ( ٢٥ - ٣٦ )

•  يوسف (٣٧ - ٥٠ )

الخروج - : الفداء

• الخروج من مصر (١ - ١٥)

• الترحال و عهد الله مع بني اسرائيل و نقضهم للعهد (١٦- ١٨ , ١٩ - ٢٤ , ٣٢ -٣٤)

• خيمة الاجتماع  (٢٥ - ٣١ , ٣٥ - ٤٠)

 اللاويين : القداسة

• الذبائح و الأعياد  لاويين( ١- ٧ , ١٦ - ١٧ , ٢٣ - ٢٥  , ٢٦ - ٢٧)

• الكهنوت  لا (٨ - ١٠ , ٢١ - ٢٢)

• الطهارة الطقسية و الاخلاقية (١١ - ١٥ , ١٨ -٢٠)

العدد : البرية

• برية سيناء (١ - ١٢)

• برية فاران  ( ١٣ - ٢١ )

• سهول موآب ( ٢٢ - ٣٦ )

التثنية : التذكير بالشريعة

• كلمة موسى الافتتاحية ( ١ - ١١ )

• وصايا و شرائع (١٢ - ٢٦)

• كلمة موسى الختامية و موته (٢٧ - ٣٤)

الجدول الزمني للمسابقة : 

هنمشي الرحلة على ٣ اجزاء : 

• الجزء الأول تكوين خلال شهر فبراير  .

•  الجزء الثاني الخروج واللاويين خلال مارس وأبريل  .

• الجزء الثالث العدد و التثنية  هيكون خلال يوليو واغسطس.

الامتحان هيكون مره في الاسبوع على القراءات المحدده للاسبوع .

مواعيد الامتحانات

الهدايا 🎁

هيكون في نظامين للهدايا :- 

١- هدية بعد نهاية كل جزء من الـــ٣ اجزاء للثلاثة الاوائل بحد اقصى هدية واحدة للشخص من هدايا المراحل

الأول : قسيمة شراء اونلاين 250 ج 

الثاني: قسيمة شراء اونلاين 150 ج  

الثالث : بوكس انا و كتابي                  

٢- هدية بعد نهاية الرحلة كلها للخمسة الاوائل الذين اجتازوا كل المراحل بأعلى درجات .

ازاي انظم للمسابقة ؟ 

رحلتنا هتكون على ابلكيشن انا وكتابي تقدر تحمله من هنا

• هتعمل حساب على الابليكيشن لو معندكش حساب

• هتملأ الاستمارة دي 👈 من هنا و هيتم اضافتك على جروب الابلكيشن

• ده رابط مقدمات الاسفار فيديو مقدمات اسفار موسى الخمسة